انواع التظلمات لتكليف دفعة صيدلة 2020 حركة (2022)

انواع التظلمات لتكليف دفعة صيدلة 2020 حركة (2022)


التظلمات ٥ انواع:-

١- تظلم سماح المجموع

٢- تظلم الصيدلانية المتزوجة

٣-تظلم الصيدلانية غير المتزوجة لدواعى أمنية

٤- تظلم الحالة الصحية للصيدلى المكلف

٥- تظلم الصيدلى المكلف العائل الوحيد لأسرته ومرض أحد الوالدين



١) (( تظلم سماح المجموع )) :

يعني انك تقدم علي الإدارات اللي لسه لم يكتمل بها عدد الصيادلة اللي طلبتهم في احتياجات الحركة و اتكتب جنبها فى النتيجة (لم تكتمل) ومجموعك يجيبها أو أعلي منها عشان لو فاضل فيها ٣ أماكن و اتقدم لها ٥ أطباء مثلا في التكليف هتاخد أعلي ٣ مجاميع منهم و يبقي مجموع أقل واحد من التلاتة دول هو الحد الأدني بتاعها و يتكتب جنبها بالنتيجة و تبقي كده اكتملت

التقدم علي تظلم سماح المجموع بيكون على النت من خلال موقع الوزارة فقط و مش هاتروحوا ادارة التكليف.

* فيه قاعدة تبع تظلم سماح المجموع بتنص على الآتى:

من لم يتقدم بالحركة أو سجل اعفائة من التكليف ويرغب فى التكليف علية التقدم تحت بند سماح المجموع فى ضوء الاماكن الشاغرة + اصول الاوراق و التقدم الي الادارة العامة لشئون التكليف .

يعنى اللى ماسجلش فى الحركة الاساسية او فاته التسجيل لأى ظرف او كان لغى تكليفه و رجع فى كلامه ، يقدر يسجل فى تظلمات نفس الحركة بس مش هايبقى مفتوح له إلا الأماكن الشاغرة اللي لم تكتمل فقط

لو #سجل_بياناته اسمه هينزل عادي في التظلمات و هيقدم تظلم سماح مجموع ع النت فقط.

لو #مسجلش_بيانته فيه خانة علي الموقع لتسجيل البيانات لمن لم يسبق له تسجيلها في فترة تسجيل البيانات أو الرغبات و هيروح يقدم أصول الأوراق بتاعته فى ادارة التكليف بنفسه و هى شهادة التخرج المؤقتة و الامتياز و الميلاد و صورة البطاقة الشخصية و ترخيص المزاولة.



٢) ((تظلم المتزوجة)) :

# لو سجلت بيانتها و رغباتها بمتزوجة هتقدم ع التظلم ع الموقع.

# لو كتبت الكتاب بعد ما سجلت رغباتها بآنسة و طلعت النتيجة على إدارة هى مش عايزاها ، بتسجل التظلم تحت بند المتزوجات و تسجل رقم قسيمة الزواج على موقع الوزارة

و تروح ادارة التكليف و تقدم طلب مكتوب و تقدم معاه أصل قسيمة الزواج و صورة البطاقة الشخصية و دا لما يتقبل هترجع على الإدارة اللى هى حددتها فى طلب التظلم

*المتزوجات لهم الرغبة الأولي و هتبقي خارج الاحتياجات (مش هتتحسب من احتياجات الإدارة اللي هتروح لها و هتبقي عدد زيادة عليهم) #ماعدا طلب نقلها من ادارة لادارة (سواء الإدارة التانية كانت طالبة صفر في الاحتياجات أو لأ) هتقدم طلب لمدير المديرية و هو يا يوافق يا يرفض عشان ده شأن داخلي للمديريات.



٣) (( تظلم الحالة الصحية للصيدلى المكلف ))

يعنى لو طبيب مريض بيسجل تظلم على موقع الوزارة بأقرب إدارة لمحل سكنه و هيطلع له استمارة يطبعها من على الموقع ، دى استمارة قومسيون طبى يطبعها و يروح بنفسه ادارة التكليف و يختمها و يمضيها و بعدين يروح يكشف فى القومسيون الطبى فى الحى السادس فى مدينة نصر و هما اللي هيحددوا قبول أو رفض التظلم ولو اتقبل بيرجع لأقرب ادارة لمحل إقامته حتي لو مكتملة.



٤) (( تظلم الطبيبة غير المتزوجة لدواعي أمنية )) :

و دا تظلم خاص بالبنات فقط أي بنت جات لها إدارة خارج محافظة سكنها ، بتسجل تظلم أمنى على موقع الوزارة بمديرية محافظة سكنها و بس.

و لما يتقبل بتروح تستلم فى المديرية و المديرية هى اللي توزعها على حسب احتياجاتها على إدارة تبعها و بيقبلوا التظلم ده لكل البنات.

فى حالة تغير عنوان السكن يتم تقديم صورة البطاقة + استمارة التظلم وتقديمها لإدارة التكليف في القاهرة.



٥) (( العائل الوحيد لأسرته ومرض أحد الوالدين )) :

التظلم اسمه كده و هيتم التقديم عليه علي الموقع للي جاله تكليفه في مديرية خارج محافظة سكنه و هيكتب في التظلم ع الموقع مديرية محافظة سكنه و يطبع استمارة التظلم و يروح بيها إدارة التكليف في القاهرة ومعاه الورق المطلوب ( صورة بطاقته الشخصية ، شهادة ميلاده ، شهادة قيد عائلى ، شهادة مرضية لأحد الوالدين من مستشفى تأمين أو عام أو طلبة أو جيش أو شرطة وتكون بختم النسر ومعتمدة من لجنه ثلاثية ) وأما يتقبل المديرية هتوزعه علي إداراتها.



الرد علي بعض استفسارتكم في الملحوظات دي:

ملحوظة هامة

التظلمات دي مسموح بيها في فترة التظلمات فقط #ماعدا النقل مسموح به خلال سنة التكليف و فى أى وقت لــ الطبيبة المتزوجة من أى مكان لأى مكان آخر حسب محل اقامة الزوج ، طلب نقل الطبيب المريض من أى مكان إلى مديرية محل إقامته وهي هتوزعه علي أقرب إدارة لمحل سكنه حتي لو مكتملة.

أما النقل من منطقة نائية إلى منطقة مركزية (محل الإقامة أو محافظة تم ترشيح الطبيب لنيابة بها) فـ بيتوافق عليه بعد قضاء الطبيب عام عمل فعلى فى المنطقة النائية (12 شهر ) و لا يجوز رفضه فى حالة اتمام الطبيب 12 شهر عمل فعلى بالمنطقة النائية.

إرسال تعليق

comments (0)

أحدث أقدم

♥ انضم لقناتنا PharmaDay ليصلك كل جديد ♥