ازاي مجوعش ولا اعطش في رمضان
السلام عليكم ورحمة الله وبركاته .. طبعا كلنا زى ما احنا عارفين ان رمضان شهر بنستناه من السنة للسنة كمسلمين وبيكون مصدر للفرحة والسعادة بينا جميعا
ازاى ما احسش بالجوع فى رمضان ؟!
استعد ازاى لكل ده في من غير ما اتعب ولا احس ان الصيام هياثرعلي..اولا وقبل ما ابدا اي شرح فى اسالة كتير هتيجي فى بالك وتقول انا نفسي متخنش فى رمضان وفى فئة تانية هتقول ازاى مخسش فى رمضان واحافظ علي وزني وفى ناس جسمها مظبوط مش عايزة تتاثر ب اى حاجة خالص مجرد الاستقرار الصحي والجسمي فقط..
طبعا عشان اتكلم فى ده كله اكيد هيبقي صعب لان كل جسم ليه معايير تختلف عن كل شخص كلها بتندرج تحت مسمي Body Mass Index ودة عبارة عن معادلة ليها حسابات بس لازم لها مقالة خاصة ، المهم يعني دى بتحددلك جسمك محتاج كم سعر حراري يوميا
فى جسم بيحتاج سعرات حرارية كتيرة زى الناس اللي وزنها كبير والعكس مع اللى وزنهم قليل ولو زادت عن المعدل اللى محتاجه جسمك هتتخن ولو قلت عن المعدل اللي محتاجه جسمك هتخس واوعدكم هتكلم عن كل دة فى مقال لوحده . نرجع لموضوعنا استعد ازاى لرمضان
اولا عندنا وجبتين اساسيتين الفطار والسحور....
طيب اكل ايه وما اكلش ايه
اشرب ايه وما اشربش ايه
نبدا بالسحور :-
تاكل اكلات خفيفة زى الفول والبيض والجبنة والبطاطس كل زبادي وكل فواكه زي البيطخ فيه 91% منه ماء وكل خيار فيه مخزون ميه عالى وكل عنب وكل فواكه فيها نسبة عاليه من البوتاسيوم زى الموز والمشمش والتمرمثلا ..
بحيث متتعبش جهازك الهضمي قبل ما تنام عشان متصحاش من النوم تعبان لان الجهاز الهضمي اساسا بيحتاج منك طاقة عشان يهضم اكلك ف انت لو زودت فى الاكل الدسم هتتعب بكل تاكيد
طيب ايه ماكلهوش:- متاكلش مخلالات لانها بتتعمل فى ماية بملح اللي هو كلوريد الصوديوم
والصوديوم بيسحب الميه من الجسم فالطبع هتحس بالعطش لو كلت مخلل فى السحورديما قلل من التوابل
بالنسبة للشرب:- اشرب مية بشكل طبيعي لانك لو زودت ميه مش هتستفاد بيه من الاساس لانك اخي العزيز انت مش اذكى من الكلي بتاعتك :) اول ما الجسم بتزيد فيه كمية الميه هتطلع منك لان الجسم مبيخزنش ماية زى الجمال مثلا.
اشرب عصاير بس قلل فيها نسبة السكر بالنسبة فى وقت الصيام خلي طاقتك لشغلك وللعبادة فقط
بالنسبة لوجبة الفطار كل فيها اى حاجة موجودة في بيتك عادي رمضان كريم♥
هو المهم بس متشربش مشروبات غازية عشان متتصبش بقرحة المعدة لا قدر الله
وخلي الحلويات ديما فى وقت ما بعد العشا وحذاري منها فى السحور عشان متحسش بالعطش فى النهار