لو اتعرضت لعضة كلب أو حتى خدش من أي حيوان، لازم تبقى فاهم الفرق بين لقاح الكلب ومصل الكلب لأن الموضوع مش هزار، وده من الحاجات اللي التعامل الغلط فيها ممكن يسبب خطر كبير.
أول وأهم خطوة قبل أي حاجة 👇
لازم تغسل مكان العضة أو الخدش كويس جدًا بالمياه والصابون ولمدة كافية، وبعدها تتوجه فورًا لأقرب مستشفى.
🟢 أولًا: لقاح الكلب (Rabies Vaccine)
اللقاح ده أساسي، وبيتاخد في كل الحالات سواء الحيوان:
- مسعور
- مشتبه فيه
- أو حتى مش معروف حالته
يعني ببساطة: أي عضة = لازم تاخد اللقاح
💉 الجرعات:
اللقاح بيتاخد على شكل جرعات في الأيام دي:
- يوم 0 (لازم خلال أول 24 ساعة)
- يوم 3
- يوم 7
- يوم 14
- يوم 28
وفي بعض البروتوكولات الحديثة بتبقى 4 جرعات بس، وده برضه صحيح حسب الحالة.
📌 كمان بيتكتبلك مواعيد الجرعات في كارت، وبيتم تسجيلك في سيستم وزارة الصحة علشان تلتزم بالمواعيد.
🔴 ثانيًا: مصل الكلب (Rabies Serum)
المصل ده مش لكل الحالات، ده بيتاخد في الحالات الأخطر.
📍 إمتى تحتاج مصل؟
- الوجه
- الرقبة
- الكتف
- أو أي منطقة فيها عضلات قريبة من الأعصاب
💉 طريقة وجرعة المصل:
- بيتحقن في مكان العضة نفسه
- جرعته: 3.33 وحدة دولية لكل كيلو من وزن الجسم
- بيتاخد مرة واحدة بس
- لازم خلال أول 7 أيام (ويُفضل في أول يوم)
📌 القرار هنا بيكون لدكتور الجراحة في المستشفى، هو اللي يحدد تاخده أو لا.
⚠️ معلومات مهمة جدًا:
- الاتنين لازم يتخزنوا في درجة حرارة من 2 إلى 8 درجات مئوية
- لو أي واحد فيهم اتجمد = يبقى باظ ولازم يترمي
- الاتنين مينفعش يتحقنوا في الوريد
- مينفعش يتحطوا في نفس السرنجة
- اللقاح بيتاخد في عضلة الكتف
- المصل بيتاخد موضعي في مكان العضة
- مينفعش يتحقنوا في نفس المكان علشان ممكن يلغوا تأثير بعض
💡 الخلاصة:
- اللقاح: لكل الحالات
- المصل: للحالات الخطيرة بس
- الاتنين مهمين جدًا حسب الحالة
- التصرف السريع هو أهم خطوة في العلاج
📢 متنساش تتابعنا علشان توصلك باقي المعلومات الطبية بشكل بسيط وواضح، وخصوصًا الفيديو اللي اسفل المقال شرحت فيه الموضوع بالتفصيل.