هو ليه لما حد يكون عنده برد بنلاحظ دايماً ان اعراض البرد عنده بتزيد بليل عن النهار ؟ ده بسبب ان بليل بيبدأ ليفل الكورتيزول في الجسم يقل وبالتالي قدرة الجهاز المناعي بليل بتبقا اعلا ف يحصل حرب بين الجهاز المناعي والفيرس ف تزيد الأعراض.
لو فيه عدوي بكتيرية بتبدأ تموت في كرات الدم البيضا اللي بتهاجمها ف الكرات دي تموت عارف لما تموت بيبقا اسمها ايه ؟ صديد .. يبقا الصديد عبارة عن كرات دم بيضه استشهدت وهيا بتحارب الميكروب الجسم بيحس بيها ويبقا عارف انه كده هيخسر المعركه ف ميسكتش ويقوم رافع درجه الحراره عشان عارف ان البكتيريا مبتقدرش تستحمل درجة الحراره العاليه عشان كده بنقول دايما السخونيه دي حاجه مفيده للجسم. حقنة الديكسا بتقلل المناعه جداً وبالتالي بتقول للفيرس والبكتيريا اعملو اللي انتو عاوزينه انا مش هخلي جهاز المناعه يهاجمكو لاكن ليها اضرار .. تعالا نشوف اضرار الكورتيزون.
بيزود حمض المعده ويقلل من تكوين جدار المعده وبالتالي يساهم في حدوث قرحة معده مع الوقت وعشان كده ممنوع يتاخد مع الأسبرين.
بيقلل البوتاسيوم ويطلعه في البول ويرجع مكانه ملح ف الضغط يعلا ويرجع مع الملح مايه ف تلاقي البنات بتاخد اقراص dexasone عشان تتخن وده اصلا مش تخن دي مايه متحوشه.
بيعلي السكر طبعا واللي عندهم سكر ميخدوش كورتيزون.
بيعمل هشاشة عظام لأنه بيطلع الكالسيوم في البول ف هرمون الغدة الجاردرقية يحس ان في كالسيوم قليل في الدم يقوم مطلع كالسيوم من العظام عشان يعادل الدنيا ف يحصل هشاشة عظام.